അനുവദനീയമായതിലും കൂടുതൽ അളവിൽ വീട്ടിൽ മദ്യം സൂക്ഷിച്ചെന്ന കേസിൽ റിപ്പോർട്ടർ ബ്രോഡ് കാസ്റ്റിങ് കമ്പനി എംഡി ആന്റോ അഗസ്റ്റിന് ജാമ്യം. കർശന ഉപാധികളോടെയണ് ആൻ്റോയ്ക്ക് ജാമ്യം അനുവദിച്ചത്. ആദ്യഘട്ടത്തിൽ സുൽത്താൻ ബത്തേരി ഫസ്റ്റ് ക്ലാസ് മജിസ്ട്രേട്ട് കോടതി ജാമ്യാപേക്ഷ തള്ളിയതിനെ തുടർന്നാണ് ആന്റോ അഗസ്റ്റിൻ ഹൈക്കോടതിയെ സമീപിച്ചത്.
അന്വേഷണ ഉദ്യോഗസ്ഥന് മുന്നിൽ നിശ്ചിത ഇടവേളകളിൽ ഹാജരാകണം, സാക്ഷികളെ സ്വാധീനിക്കാനോ തെളിവ് നശിപ്പിക്കാനോ ശ്രമിക്കരുത് തുടങ്ങിയ ഉപാധികളാണ് ഹൈക്കോടതി മുന്നോട്ടുവെച്ചത്.
ചോദ്യംചെയ്യലിനോട് ആന്റോ സഹകരിച്ചില്ല എന്നതുൾപ്പെടെ ചൂണ്ടിക്കാണിച്ചായിരുന്നു സർക്കാർ ജാമ്യം അനുവദിക്കരുതെന്ന് ആവശ്യപ്പെട്ടത്. എന്നാൽ ആന്റോ മറ്റ് അബ്കാരി കേസുകളിൽ പ്രതിയാണോ എന്നത് മാത്രമാണ് കോടതി ഇപ്പോൾ പരിഗണിക്കുന്നതെന്ന് ജസ്റ്റിസ് കൗസർ എടപ്പഗത്ത് പറഞ്ഞു. സാധാരണനിലയിൽ വിദേശമദ്യക്കേസുകളിൽ ജാമ്യം അനുവദിക്കാറുണ്ടെന്നും കോടതി കൂട്ടിച്ചേർത്തു.
